કેદ શું છે હવે મેં જાણી વેદના ઓ કાના
તું તો ખુદ જનમ્યો તો કેદમાં ઓ કાના

યમુનાજીએ દીધો’તો માર્ગ તને ઓ કાના
હવે તારો વારો છે, માર્ગ દે મને ઓ કાના

રોજ પારણે ઝૂલાવ્યો છે તને ઓ કાના
હવે તારો વારો છે હિંડોળે ઝુલાવ મને કાના

એવું તે કેમ મારે ઉછીનાં લેવા પડે શ્ચાસો
હવે તારો વારો છે, તું મારા ભરી દે શ્ચાસો

ભૂલ અમારી અમે બંધ કર્યા દ્વાર હવેલીના
લે હવે તારો વારો ખોલી દે દ્વાર હવેલીના

-અમિત ત્રિવેદી