રીત મારા પ્રેમની તે ના પિછાણી ?
Oct 10
ગઝલ Comments Off on રીત મારા પ્રેમની તે ના પિછાણી ?
રીત મારા પ્રેમની તે ના પિછાણી ?
વાત મારા દિલની તારાથી અજાણી?
મેં વિધાતાએ લખેલા લેખ ઘૂંટી
જિંદગીને સાવ હળવીફૂલ માણી
શ્વાસની સરગમ નિરંતર વાગશે જો –
જિંદગીના સૂર લાગે સંતવાણી
અંધશ્રદ્ધા હો ભલે, શ્રદ્ધા જ જીતે
છેવટે એને જ તારણહાર જાણી
ક્યાં કશું અટકે છે કોઈના વિના પણ?
છોડ તું, શાને કરે છે ખેંચતાણી ?
– અમિત ત્રિવેદી