[wonderplugin_audio id=”8″]

 

માટીની કાયાના  કયારામાં ફૂટે કોઇ કૂંપળ  પાનમાં
દોમ દોમ સાહ્યબી માં ઉછરે સપનું ગીત થૈ ગાનમાં

મીણ જેમ ઓગળતી જાય કાયા
રોમ   રોમ   જાગે    એને    માયા
સપનામાં જુએ જશોદાના જાયા

નસ નસ માં ઉછળતાં ઉમંગને કેમ કરી રાખે સાનમાં ?
દોમ દોમ સાહ્યબી માં ઉછરે સપનું ગીત  થૈ  ગાનમાં

આખ્ખી દુનિયા હવે એની બાનમાં
તન  મન   હવે   ડોલે   છે  તાનમાં
રોજ  કોઇ આવી બોલે   છે  ગાનમાં

કુંવારા સોળ વરસની  મોંઘેરી જાગીર   દૈ  દાનમાં
માટીની કાયાના કયારામાં ફૂટે કોઇ કૂંપળ પાનમાં

– અમિત ત્રિવેદી