ભગવાન હશે….
Feb 15
ગીત Comments Off on ભગવાન હશે….
તમે દીધેલું વરદાન એ
ભગવાન હશે આજે જાણ્યું
ગર્ભ મારું મંદિર થયૂં એ
રોમે રોમે જાણ્યું
હાથમાં હાથ લઇ ભીનાં કંઠે
તમે કહ્યું કે આભાર
ઋણ ચુકવવા આખું આયખુ
ખૂટે ને થાઉં હું લાચાર
પરમ સનાતન જ્યોતિર્મય
તમે સહિયારું સુખ આપ્યું
ભીંતેથી ઉતરીને પૂર્વજો
બાળુડે જઇને વીખરાયા
અજબ ગજબનો મેળાવડો થઇ
સઘળાં સગપણ વીંટળાયા
નિશદિન સરસર વરસે
એવું સગપણ સીંચી તાણ્યું
– અમિત ત્રિવેદી