આમ જુઓ તો ઘણું નડતું હવે

Comments Off on આમ જુઓ તો ઘણું નડતું હવે

આમ જુઓ   તો   ઘણું   નડતું   હવે
ને   છતાં  તે   જ   મને   ઘડતું   હવે

શોધવામાં     જિંદગી    પૂરી    થશે
ઝાંઝવાને     મૂક    તું   પડતું   હવે

સઘળું દોડી આવશે ઝરણાંની  જેમ
છોડ તું  વળગણ   બધું  નડતું  હવે

એ વિકલ્પો તો જ અગણિત આવશે
છોડ એને   જયાં   નથી  જડતું હવે

બારણે   તું   આવીને   પાછી   ફરી
એ જ કારણ બસ મને  નડતું   હવે

– અમિત ત્રિવેદી

પોકળ શબ્દો લઈ તું બોલે

Comments Off on પોકળ શબ્દો લઈ તું બોલે

પોકળ  શબ્દો લઈ  તું બોલે
છળ લઈ તું ઈશ્વરના ખોળે?

એક વેળા  ઈશ્વરને સાંભળ
ટેવવશ   તું   મંદિરમાં બોલે

ઈશ્વરને    પુકારી     આવી
રાવણની  તું   આંખો  ખોલે

આ  રીતે  મંઝિલ મળશે શું
કેવળ  અટકળ   માંડી  દોડે

સાત  જનમના  લેણા  દેણા
સાથ  એનો   શાને     છોડે?

 

– અમિત ત્રિવેદી

ન્હોતું પરવડતું વારંવાર મને મરવું

Comments Off on ન્હોતું પરવડતું વારંવાર મને મરવું

ન્હોતું     પરવડતું    વારંવાર   મને  મરવું
તેથી મેં  શીખી લીધું   મૃગજળમાં   તરવું

શબ્દોની    વણઝાર હવે  તું  થંભાવી   દે
મૌન ખરી આભા , હોઠે   આવી ફરફરવું

બદનામ   થવાનું   તારા ભાગ્યમાં  જ છે
પ્રેમ તું  છોડીશ નહી ,હૈયા  માંથી  ઝરવું

મોસમ હો   તોફાની,  દરિયા  હો  તોફાની
સતની નૈયા હો તો   સામે   વ્હેણે   તરવું

મોસમ છે તો ખીલી જા ,તું  ચિંતા ના કર
ફોરમ તો  જીતે  છે ,નક્કી. કર ના ખરવું

માફી આપી દે , એની  સાથે જીદ ના કર
મનથી ઘેરાયો  છું , શીખી  જા  કરગરવું

 

-અમિત ત્રિવેદી

બંદગીની રેશમી સોગાતને

Comments Off on બંદગીની રેશમી સોગાતને

[wonderplugin_audio id=”49″]

બંદગીની        રેશમી       સોગાતને
કેમ   હું   ભૂલી    શકું    એ   વાતને

એક   કારણ  તો  મળે   પીડા  વિષે ,
રાત   આખી   હું    જગાડું   જાતને

એ  વિચારો  માત્રથી   ડર   લાગતો
ગામના   લોકો     ચગાવે     વાતને

લાગણી  બેફામ  દોડી   રગ   મહી
હૈયું     ભૂલી  જાય   એની   ઘાતને

ચાંદ   લંબાવી  દે આજે આ મિલન
મેં   મનાવી  લીધી  છે  આ   રાતને

– અમિત ત્રિવેદી

 

http://[wonderplugin_audio id=”1449″]

રીત મારા પ્રેમની તે ના પિછાણી ?

Comments Off on રીત મારા પ્રેમની તે ના પિછાણી ?

રીત  મારા   પ્રેમની   તે   ના  પિછાણી ?
વાત  મારા  દિલની  તારાથી  અજાણી?

મેં   વિધાતાએ    લખેલા   લેખ   ઘૂંટી
જિંદગીને     સાવ  હળવીફૂલ    માણી

શ્વાસની સરગમ નિરંતર   વાગશે   જો –
જિંદગીના     સૂર      લાગે   સંતવાણી

અંધશ્રદ્ધા  હો ભલે, શ્રદ્ધા     જ   જીતે
છેવટે  એને   જ   તારણહાર     જાણી

ક્યાં કશું અટકે છે કોઈના   વિના પણ?
છોડ  તું,  શાને   કરે   છે    ખેંચતાણી ?

– અમિત ત્રિવેદી

Older Entries Newer Entries