સાંજ પડે ને તું યાદ આવે

No Comments


સાંજ પડે ને તું યાદ આવે
નિત્ય સ્વરૂપ એ તું યાદ આવે
રાતલડી ના ઘોર અંધકારે
તારી મને ફરિયાદ આવે

ઓળઘોળ રેલાતી આવે
મારી લાગણીઓ ની રેલી
તારા વિનાની એવી સાંજે
કેમ કરીને થાય હેલી

ધારો કે તું મને ના મળે
તારો મને શું અણસાર મળે?
જો હું તને પૂછી શકું કે –
તું મને શું પળવાર મળે?

-અમિત ત્રિવેદી

સ્વરઃ રાજેશ વ્યાસ
સ્વરાંકન : રાકેશ પટેલ

છોડીને જાય છે

No Comments

 

 

છોડીને જાય છે અવાવરું ઘર,
પછી બાંધ્યા કરે છે નત નવું ઘર.

ખૂણે ખૂણે સ્મરણો બેઠાં છે,
કોણ હવે કરશે અહીં બોલતું ઘર.

સમજણ નો દીવડો પાથરે ઉજાસ,
વાટને સંકોર્યા પછી કેવું દોડતું ઘર.

ભલે દીવાલોથી બાંધેલ છે નકશા,
ધબકતા શ્ચાસોથી પછી વિસ્તરતું ઘર.

-અમિત ત્રિવેદી

સ્વર : હર્ષા વૈદ્ય
સ્વરાંકન : કલ્પક ગાંધી

પથ્થરના હૈયામાં

No Comments

 

 

પથ્થરના હૈયામાં લાગણીનું ડૂસકું આવ્યું
પાનખરે પાનમાં વાવણીનું શમણું આવ્યું

હૈયાની કોરી ભીંતે આંગણીનું લખવું આવ્યું
અક્ષરો સમજાતા એને આંગણીનું હસવું આવ્યું

અંધારી રાતે આગિયાનું ઝળહળવું આવ્યું
અહીં ધોળે દહાડે તા૨ાનું જોવાનું આવ્યું

ભૂલથી ભૂતકાળને ભૂલવાનું આવ્યું
ને વર્તમાનમાં અતીતનું ડૂબવું આવ્યું.

– અમિત ત્રિવેદી

સ્વર : કલ્પક ગાંધી
સ્વરાંકન : કલ્પક ગાંધી

હોઠ મલકાય ને

No Comments


હોઠ મલકાય ને કોઈનું નામ વહે,
તે કરતાં તો મને તારું મૌન ગમે.

તું સ્વયં આકાર થઈ દૂર રહે,
તે કરતાં તો તું નિરાકાર ગમે.

ટોળા માં તારી નજર ન પડે,
તે કરતાં તો તું નજરે ન ચડે.

તારાં સ્મરણોમાં હોઉં તેવી શંકા પડે,
તે કરતાં તો મારી શ્રધ્ધા ફળે.

કોઈના પગરવ સંભળાય ને તું ન હો,
તે કરતાં તો તેનો આભાસ રહે.
– અમિત ત્રિવેદી

સ્વર : સોનલ રાવલ
સ્વરાંકન : કલ્પક ગાંધી

ભીંત પણ બોલ્યા કરે છે

No Comments


ભીંત પણ બોલ્યા કરે છે અવાક્ થઈ
મૌન કેવું અફળાયા કરે છે અવાક્ થઈ.

તાજમહાલને જેમણે વિસ્મયથી જોયા કર્યો
પ્રણય અમારો જોયા કરે છે અવાઝુ થઈ.

આપના વિરહમાં આંખો જરાય મીંચાઈ નથી
સપના પણ કેવાં ફરે છે અવાક્ થઈ.

મૃગજળમાં તરબોળ રહેતી રણની આ રેતીમાં
વાદળના પડછાયા ફરે છે અવાક્ થઈ.

– અમિત ત્રિવેદી

સ્વર : કલ્પક ગાંધી
સ્વરાંકન : કલ્પક ગાંધી

Older Entries Newer Entries