તમને દેખું તો…

No Comments


મનોહર ત્રિવેદી

તમને દેખું તો ઊભી થાય એક દ્રારિકા
ને હસતા ભાળું તો હરિદ્રાર
ટેરવાં અડે ને બજે મીરાંનાં મંજીરાં ,
નરસૈંનો રેલે કેદાર

આવ્યા તમે જે મારા અંધારા ઓરડે
તો આપમેળે પ્રગટ્યાં કૈં તેજ
દર્પણની જેમ પછી સામે ઊભા તો જાણે
પહેલવેલા જોયો મને મેં જ
અણગમતું એય
આજ વહાલું લાગે છે
એવો ભર્યોભર્યો કીધો સંસાર

નજરું જો મેળવો તો વનરાવન ઢુંકડું
ને વાણીમાં જમુનાનાં નીર
ચપટીથી કિયો તાર સાંધ્યો તમે કે
સાળ – સાખીમાં દીઠા કબીર
ઠેશથી ઊડેલ ધૂળ
આકાશે પૂગી તો થૈ ગૈ એ હંસોની હાર

તમને દેખું તો ઊભી થાય એક દ્રારિકા
ને હસતા ભાળું તો હરિદ્રાર

~મનોહર ત્રિવેદી

કેદ શું છે હવે મેં જાણી વેદના ઓ કાના

20 Comments

કેદ શું છે હવે મેં જાણી વેદના ઓ કાના
તું તો ખુદ જનમ્યો તો કેદમાં ઓ કાના

યમુનાજીએ દીધો’તો માર્ગ તને ઓ કાના
હવે તારો વારો છે, માર્ગ દે મને ઓ કાના

રોજ પારણે ઝૂલાવ્યો છે તને ઓ કાના
હવે તારો વારો છે હિંડોળે ઝુલાવ મને કાના

એવું તે કેમ મારે ઉછીનાં લેવા પડે શ્ચાસો
હવે તારો વારો છે, તું મારા ભરી દે શ્ચાસો

ભૂલ અમારી અમે બંધ કર્યા દ્વાર હવેલીના
લે હવે તારો વારો ખોલી દે દ્વાર હવેલીના

-અમિત ત્રિવેદી

માણીગર મુરલીવાળો શ્યામ …

1 Comment

 

 

 

માણીગર મુરલીવાળો શ્યામ … ઓ શ્યામ…  ઓ શ્યામ…

ગોપીઓના મનડે ઘૂમતો, રમતો લાગે છે અતિ સુંદર
રમતો લાગે છે અતિ સુંદર,  છબીલો છેલ  છોગાળો શ્યામ

કુંજ ગલીમાં તું અટકી જાતો, ગોકુળિયે તું કેમ ન આવે ?
યમુનાજીએ તને મારગ દીધો, યાદ તને એ કેમ ન આવે ?

માણીગર મુરલીવાળો શ્યામ

કલરવની કેડીએ અમે તો એકલા, સુણીએ છીએ અમે તારા ધબકારા
મુરલીના સુરોના આછા અજવાળા ,ચીંધે ગોપીઓને મારગ પરબારા

માણીગર મુરલીવાળો શ્યામ

ગોપીઓના મનડે ઘૂમતો, રમતો લાગે છે અતિ સુંદર
રમતો લાગે છે અતિ સુંદર, છબીલો છેલ છોગાળો શ્યામ
– અમિત ત્રિવેદી

હાથમાં અજબ દૈવત લઈ આવે છે ડોકટર

No Comments

 

 

હાથમાં અજબ દૈવત લઈ આવે છે ડોકટર
રામની રૈયત લઈ હૈયે આવે છે ડોકટર

એ તો છે દુઃખ ભંજન બનતા મોટા સુખનું કારણ
એક પછી એક બધાં રોગનું હળવેથી કરતાં મારણ

દુઆ ફળે એની દવા લઈને આવે છે ડોકટર
સૌના દેહને તીરથ જાણી શુકન લાવે છે ડોકટર

શ્ચાસની સરગમની નિરંતર ફેરવે છે માળા
કૂંચી દુઆની લઈને ખોલે બંધ તાળા

જીવનની રખવાળી કરી ને સાથ આપે છે ડોકટર
જિયો જિયો બસ જિયો જિયોનો મંત્ર આપે છે ડોકટર

-અમિત ત્રિવેદી

સ્વર : ધ્વનિત જોષી
સ્વરાંકન :ધ્વનિત જોષી

દરિયા જેવો દરિયો છલકે

31 Comments

 

 

દરિયા જેવો દરિયો છલકે એવી વાત કહ્યી છે તે
રોમે રોમે વ્હાલમ મલકે એવી વાત કહ્યી  છે  તે

શબ્દો લઈ લખવા બેસુ તો
વાત વહે ખળખળ
અમથી અમથી બેસી રહું તો
આંખ્યુંમાં જળજળ

અરીસામાં  ચહેરો  અટકે એવી વાત કહ્યી   છે  તે
દરિયા જેવો દરિયો છલકે એવી વાત કહ્યી છે તે

શમણાઓનું રેશમ છે
તું મુજ અંગ પર બિરાજ
હૈયું ઝંખે હૂંફ તો
વહાલમ    રાજાધિરાજ

હોઠેથી   ટહુકો  છટકે  એવી  વાત   કહ્યી  છે  તે
દરિયા જેવો દરિયો છલકે એવી વાત કહ્યી છે તે

– અમિત ત્રિવેદી

Older Entries